اؤیکوجوک 2:

سؤز

باشماغی الینه آلیب آشاغیدان یوخارییا سوزدو منی. گوده شوه توکلری واردی. قیریشلارلا دولو آلنی، کوبود دریسی.. گؤزلرینده اوینایان نه‌سه.. بیر ایکی کلمه آلیب وئردیک. تورکجه‌دن فارسجایا یؤنه‌لدی دیلیمیز.. بورالاردا اوتوز ایلدی چالیشیر، اوچ اوشاق، دئیینگن آروادی و آتاسینی تاپشیران گوندن جان ائویندن یارالی ننه‌سی، قیچ آغریسی زاد.. کسیله کسیله، توپورجک‌له چیخان کلمه‌لریندن بللی اولدو.

اوچ کلمه‌دن آرتیق کسمه‌میشدیم ائبئله بیلگی قویموش قاباغیما، باشماغیم اوزره چالیشیردی هینناهین ایله. دئسه‌یدیم بلکه من ده سؤکوب تؤکردیم اؤزومو.. نه‌دنسه آیاق اوسته من، اوتورموش او، باشماق وئرن من، واکس یاخان او، پول وئرن..